फलटण : उपजिल्हा रुग्णालयातील महिला डॉक्टरच्या आत्महत्या प्रकरणात पोलिसांनी दोन्ही आरोपींना अटक केली आहे. शुक्रवारी पहाटे, प्रशांत बनकर ला अटक करण्यात आली, आणि शनिवारी रात्री उशिरा, निलंबित पीएसआय गोपाल बदणे यांनी पोलीस ठाण्यात सरेंडर केले. सुसाईड नोट मध्ये डॉक्टरने प्रशांत बनकरवर मानसिक आणि शारीरिक त्रास दिल्याचा आरोप केला होता, तसेच गोपाल बदणेवर बलात्कार करण्याचा गंभीर आरोप केला होता.
कोर्टात बदणेच्या वकिलांचा खळबळजनक दावा
आरोपी गोपाल बदणेच्या वकिलांनी कोर्टात युक्तिवाद करताना अनेक महत्त्वाचे प्रश्न उपस्थित केले आहेत. वकीलांनी दावा केला की, एफआयआर मध्ये असलेल्या नोंदी विरोधाभासी आहेत. त्याचप्रमाणे, सुसाईड नोटमध्ये प्रशांत बनकरच्या संबंधातील अत्याचार आणि छळवणूकचा उल्लेख आहे, परंतु बदणेंच्या संदर्भात काहीही नाही.
वकिलांनी प्रशांत बनकर आणि महिला डॉक्टर यांच्यात लग्नाच्या वादावर भाष्य करत सांगितलं की, “चार महिने लग्न करण्यावरून वाद चालू होते.” तसेच त्यांनी महिला डॉक्टर हॉटेलमध्ये का गेली? यावर शंका उपस्थित केली आणि असा आरोप केला की बदणेला बळीचा बकरा बनवण्याचा प्रयत्न केला जात आहे.
बदणे आणि महिला डॉक्टर यांच्यातील वाद
आरोपी गोपाल बदणेचे वकील म्हणाले की, “महिला डॉक्टर पोलीस अटकेत असलेल्या आरोपीला वैद्यकीय चाचणीसाठी घेऊन गेल्या होत्या आणि माझ्या ड्युटीवर असतानाच त्यांना आणण्यावर वाद झाले होते.” २५ जून रोजी दोघांनी एकमेकांविरोधात तक्रारी केल्या होत्या, पण त्यावेळी बलात्काराची तक्रार दाखल केली गेली नाही.
वकिलांनी असेही स्पष्ट केले की, महिला डॉक्टरचा आत्महत्येस प्रवृत्त होण्याचे कारण प्रशांत बनकर आहे, परंतु गोपाल बदणे चा उल्लेख सुसाईड नोटमध्ये केवळ त्याला अडकवण्यासाठी केला गेला आहे.
सरकारी वकीलांचा प्रतिवाद
सरकारी वकीलांनी त्यावर प्रतिवाद करत, सुसाईड नोटला डाईंग डिक्लेरेशन (मृत्यूपूर्वीचा खुलासा) मानले आणि ती सत्य मानली. त्यांनी सांगितले की, “मरणारी व्यक्ती कधीही खोटं बोलत नाही,” आणि सर्वोच्च न्यायालयानेही याबाबत स्पष्ट आदेश दिले आहेत. त्यामुळे वकिलांचा असा दावा चुकीचा आहे.
पोलिस कोठडी
कोर्टाने युक्तिवाद ऐकल्यानंतर, गोपाल बदणे याला पाच दिवसांची पोलीस कोठडी सुनावली आहे. या प्रकरणाची तपासाची दिशा आता पुढे नेण्याचे महत्त्वाचे ठरेल.
